Шүүхийн сургалт, судалгаа, мэдээллийн хүрээлэнгийн Судалгааны төвөөс Хүрээлэнгийн ажилтан, алба хаагчдад зориулсан ээлжит дотоод сургалтыг 2024 оны 1 дүгээр сарын 19-ний өдөр зохион байгууллаа.

   Энэ удаагийн дотоод сургалтаар Захиргааны эрх зүйн секторын судлаач Р.Ануурад “Хувь хүний орлогын албан татварын тайлагнал, хувь хэмжээ” сэдвийн хүрээнд татвар төлөгчдийн эрх үүрэг хийгээд албан татварыг тайлагнах, хувь хэмжээ, хөнгөлөлт чөлөөлөлт ба "Цахим татварын тайлангийн систем"-ийг ашиглах заавар зөвлөгөөг олгож, мэдээлэл өгсөн юм.

   Харин Судалгааны төвөөс шинэ судлаачдад зориулан тогтмол зохион байгуулдаг “Судалгааны арга зүй” сэдэвт сургалтыг Иргэний эрх зүйн секторын судлаач О.Төрболд удирдан явуулав.

   Уг сургалт нь академик болон бодлогын судалгааны арга зүйн онцлог, судалгааны ажлын явцад эх сурвалжийн төөрөгдөлд орохгүй байх арга техник, чанартай дата бүрдүүлэх, эшлэл хийх стандарт зэрэг агуулгын хүрээнд явагдсан ба сургалтад Хүрээлэнд 2024 онд ажиллах шүүгч-судлаачид болон 18 албан хаагч хамрагдлаа.

МЭДЭЭЛЛИЙН ТӨВ