ЦАГ ҮЕИЙН МЭДЭЭ

ШҮҮГЧИЙН СУРГАЛТЫН “СУРГАГЧ БАГШ” ШИНЭЭР СОНГОН ШАЛГАРУУЛНА
2022-04-06 Админ Хандсан тоо: 173 Хуваалцах

     Шүүхийн сургалт, судалгаа, мэдээллийн хүрээлэнгийн Сургалтын хөтөлбөрийн хорооны 2022 оны 07 дугаар тогтоолоор баталсан "Шүүгчийн сургалтын 2022-2024 оны нэгдсэн бодлого”-ыг хэрэгжүүлэх хүрээнд шүүгчийн сургалтыг удирдан чиглүүлж ажиллах “сургагч багш”-ийн сонгон шалгаруулалтыг зарлаж байна. Иймд дор дурдсан шаардлагыг хангасан, шүүгчийн сургалтад “сургагч багш”-аар ажиллах сонирхолтой хуульч, эрдэмтэн судлаачид хүсэлтээ ирүүлнэ үү.

“Сургагч багш”-д тавигдах нийтлэг шаардлага:

  1. Тухайн салбараар мэргэшсэн, мэргэжлээрээ 5-аас доошгүй жил ажилласан туршлагатай
  2. Сургалтын хөтөлбөр, төлөвлөлт хийх, гарын авлага боловсруулах, судалгаа, шинжилгээ хийх чадвартай байх;
  3. Шүүгчийн сургалтад багшлах, сургалтын агуулгыг бэлтгэх өөрийгөө тасралтгүй хөгжүүлэх хүсэл эрмэлзэлтэй байх;
  4. Орон нутагт томилолтоор ажиллах боломжтой,  хувийн зохион байгуулалт сайтай байх;
  5. “Сургагч багш”-ийн ёс зүй, харилцааны өндөр соёлтой, нийтэд хүлээн зөвшөөрөгдөхүйц байх;
  6. Шүүгчийн сургалтад “сургагч багш”-аар ажиллах чин хүсэл эрмэлзэлтэй байх.

“Сургагч багш”-д тавигдах тусгай шаардлага:

  1. Магистр болон түүнээс дээш зэрэгтэй байх;
  2. Тухайн салбарын чиглэлээр судалгаа, шинжилгээний ажил хийж байсан, бүтээлийн жагсаалттай байх эсхүл тухайн чиглэлээр 5-аас дээш жил сургалт явуулж байсан туршлагатай байх;
  3. Өмгөөллийн үйл ажиллагаа явуулдаггүй байх.
  4. Насанд хүрэгчдэд сургалт хийх арга зүй (pedagogy, andragogy, heutagogy)-г эзэмшсэн, суралцагч төвтэй сургалтын техник (learning by doing) ашиглах туршлагатай байх.

Дээрх шаардлагыг хангасан хуульч, эрдэмтэн судлаачид “сургагч багш”-аар ажиллах чиглэлээ тодорхойлон, холбогдох материалаа 2022 оны 5 дугаар сарын 6-ны өдрийн 17:00 цаг хүртэл training@jtrii.gov.mn цахим хаягаар  ирүүлнэ үү.

“Сургагч багш”-аар ажиллах боломжтой чиглэл:

1.      Үндсэн хуулийн эрх зүй;

2.      Хүний эрх;

3.      Шүүгчийн ёс зүй;

4.      Эрүүгийн эрх зүй;

5.      Иргэний эрх зүй;

6.      Захиргааны эрх зүй;

7.     Арилжаа /худалдаа/-ны эрх зүй

8.      Олон улсын эрх зүй;

9.      Шүүхийн бие даасан байдал, шүүгчийн хараат бус байдал;

10.  Хууль тайлбарлах, хэрэглэх арга зүй;

11.  Шүүхийн сэтгэл судлал;

12.  Салбар дундын мэдлэг;

13.  Хувь хүний хөгжил, манлайлал.

Бүрдүүлэх материал:

1.      “Сургагч багш”-аар ажиллах хүсэлт (доорх хүснэгтийн дагуу мэдээллээ бөглөх);

2.      Товч танилцуулга (CV);

3.      Боловсролын гэрчилгээ болон холбогдох баримт бичгийн хуулбар;

4.   Судалгаа, шинжилгээ болон сургалтын чиглэлээр үйл ажиллагаа явуулсан туршлагын талаарх мэдээлэл, жагсаалт.

Дэлгэрэнгүй мэдээллийг: 263239, 86008819 утсаар холбогдон авна уу.

СУРГАГЧ БАГШААР АЖИЛЛАХ ХҮСЭЛТ

 

№

Шаардлагатай мэдээлэл

Бөглөх хэсэг

1.       

Овог, нэр

 

2.       

Харьяалах байгууллага

 

3.       

Албан тушаал

 

4.       

Эрдмийн зэрэг, цол

 

5.       

Хууль зүйн салбарт ажилласан жил

 

6.       

Сургагч багшаар ажиллах чиглэл

 

7.       

Өмнө нь сургагч багшаар ажиллаж байсан эсэх (Хэрэв тийм бол ажилласан жилээ бичнэ үү)

 

8.       

Холбоо барих утас

 

9.       

Цахим хаяг

 

10. 

Хүсэлт гаргасан огноо

 

МЭДЭЭЛЛИЙН ТӨВ 

Төрөл
СҮҮЛД ОРСОН