Монгол Улсын дээд шүүх, Шүүхийн сургалт, судалгаа, мэдээллийн академи Вьетнам Улсын Элчин Сайдын Яамтай хамтарсан уулзалт, сургалтыг 2025 оны 11 дүгээр сарын 28-ны өдөр зохион байгуулав. Энэхүү сургалт нь Монгол Улсын дээд шүүх, БНСВУ-ын Дээд шүүхийн хооронд байгуулсан харилцан ойлголцлын санамж бичгийн хүрээнд хийгдэж буй ажлын нэг хэсэг юм.
Шүүхийн академийн Иргэний эрх зүйн секторын эрхлэгч Д.Бямба-Од, Үндсэн хууль Олон Улсын секторын эрхлэгч Э.Эрхбилгүүн, судлаач О.Анхбаяр, Л.Энхсайхан болон УДШ-ийн ГХХАА-ны дарга Д.Тулга, тус шүүхийн Эрүүгийн хэргийн танхимын судлаач З.Янжинлхам нар Монгол улсад бизнес эрхлэх татварын орчин болон бусад хууль эрх зүйн зохицуулалтын талаар мэдээлэл өгч, хууль ёсны эрх ашиг нь зөрчигдсөн тохиолдолд шүүхэд хэрхэн гомдол гаргах болон бусад хуульд заасан үндэслэл, журмыг тайлбарлан таниулж, мэдээлэл хүргэлээ.
Монгол улсад өнөөдрийн байдлаар 300-400 орчим Вьетнам иргэн амьдарч байгаа бөгөөд өнөөдрийн арга хэмжээнд 40 гаруй хүн хамрагдсан байна.

МЭДЭЭЛЛИЙН ТӨВ