Шүүхийн Академиас улирал тутам эрхлэн гаргадаг “Монголын шүүх, эрх зүй судлал” сэтгүүлийн 112 дахь буюу 2025 оны 2-р улирлын шинэ дугаарт дараах бүтээлүүд нийтлэгдлээ. Үүнд:

• Япон улсын Хитоцүбаши их сургуулийн Хууль зүйн сургуулийн багш Б.Хонгорзул “Гэр бүлээс гадуурх харилцаанаас үүдэлтэй гэрлэлт цуцлалт ба сэтгэл санааны хохирлын нөхөн төлбөр: Япон улс дахь эрх зүйн зохицуулалт, шүүхийн практик”
• Оюуны өмчийн газрын ахлах шинжээч Б.Одгэрэл “Монгол улс дахь патентын маргаан шийдвэрлэх тогтолцоо”
• А.Бодьбилэг “Хувьцаа эзэмшигчдийн ашиг сонирхлын зөрчил болон хувьцаа эзэмшигчийн итгэл даах үүрэг”
• А.Нэмүүлэн, Б.Туяа нарын “Үл хөдлөх эд хөрөнгийн өмчлөх эрхийг өв залгамжлан авахтай холбоотой шүүхийн практикт хийсэн дүн шинжилгээ”
• Шүүхийн  академи “Бага насны хүүхдэд холбогдох эрүүгийн хэргийг хэрэгсэхгүй болгох талаарх судалгаа”, “Гэр бүл, хүүхдийн хэргийн шүүхийн харьяалан шийдвэрлэх маргааны төрөл: харьцуулсан судалгаа”-ны тайлангууд болон “Зорчигч тээвэрлэх зориулалттай тээврийн хэрэгсэл дотроос  бусдын эд хөрөнгийг хулгайлсан нь нэвтрэх шинжид хамаарах эсэх”, “Уртын ээлжийн ажилтны илүү цагийн нэмэгдэл хөлсийг тооцуулахтай холбоотой шүүхийн шийдвэрт хийсэн дүн шинжилгээ’’-үүд багтжээ.

Сэтгүүлийг Улсын дээд шүүх, Шүүхийн ерөнхий зөвлөл, Хууль зүйн үндэсний хүрээлэн, хууль зүйн их, дээд сургуулиудын номын сангаас хэвлэмэл байдлаар болон Шүүхийн академи (jtrii.mn) (legaldata.mn)-ээс цахим хэлбэрээр унших боломжтой.

“Монголын шүүх, эрх зүй судлал” сэтгүүлийн 2025 оны 03 дугаар улирлын дугаарт нийтлэгдэх эрдэм шинжилгээний өгүүллийг 09 сарын 19-ны 17:00 цаг хүртэл хугацаанд journal@jtrii.gov.mn хаягаар хүлээн авч байна.

МЭДЭЭЛЛИЙН ТӨВ