Шүүхийн сургалт, судалгаа, мэдээллийн академи ажилтан, албан хаагчдын мэргэжил ур чадварыг дээшлүүлэх, хувь хүний хөгжлийг дэмжих зорилгоор дотоод сургалтыг тогтмол зохион байгуулдаг бөгөөд энэ удаа  “Дипломат ёслол ба этикет” сэдэвт сургалтыг 2025 оны 01 дүгээр сарын 14-ний өдөр зохион байгууллаа.

Энэ удаагийн сургалтыг Гадаад харилцааны яамны, Хяналт шинжилгээ, үнэлгээ, дотоод аудитын газрын захирал Д.Тэгшжаргал удирдан явуулж, Монгол Улсын төрийн ёслолын журамд заасан зарим зохицуулалтуудын талаар тайлбарлаж, төрийн өндөр дээд хэмжээний уулзалтын үеэр оролцогчдын баримтлах дэг жаягуудын талаар мэдээлэл хүргэсэн юм.

Тухайлбал дипломат ёслол болон төрийн ёслолын тухай ойлголтууд, ёслолын ахлал буюу төрийн өндөр албан тушаалтнууд ямар дарааллаар зогсдог тухай гээд аль ч төрлийн ёслолд оролцоход оролцогчдын мэдвэл зохих соёлуудыг жишээ тайлбараар баяжуулан хичээл зааснаараа онцлогтой  байлаа. Түүнчлэн улс орнуудын дипломат ёслолын ялгаа хийгээд нийтлэг талуудыг тайлбарлан сонирхсон асуултад хариулан харилцан яриа өрнүүллээ.

 МЭДЭЭЛЛИЙН ТӨВ