2023 оны 02 дугаар сарын 20-ний өдөр иргэн V.B нь уур амьсгалын өөрчлөлтийн эсрэг хөдөлгөөн болох (Klimakleber)-д оролцсон бөгөөд Вена хотын Цагдаагийн газраас жагсаалыг тараах явцад иргэн V.B-г Захиргааны зөрчлийн тухай хуулийн 35 дугаар зүйлийн 3-т заасан үндэслэлээр баривчилжээ.

Иргэн V.B-г баривчилсны дараа Вена хотын цагдаагийн байранд цагдаа нар түүний биед “супер цавуу” байж магадгүй гэх үндэслэлээр нүцгэлж биед нь үзлэг хийжээ. Учир нь (Klimakleber) гэх хөдөлгөөнд оролцож буй жагсагчид нь машин зам дээр өөрсдийн биеийг супер цавуугаар наах байдлаар эсэргүүцлээ илэрхийлдэг байна. Гэвч биеийг нүцгэлж үзлэг хийх явцад ямар нэгэн аюултай зүйл олдоогүй байна.  Иргэн V.B-гийн зүгээс Вена хотын Цагдаагийн газар Цагдаагийн аюулгүй байдлын тухай хуулийн 40 дүгээр зүйлийн 1-д заасныг зөрчин үндэслэлгүйгээр нүцгэлж биед үзлэг хийсэн гэж үзэн шүүхэд гомдол гаргажээ. Харин Вена хотын Цагдаагийн газар тус хуульд заасны дагуу биед үзлэг хийхэд “аюултай нөхцөл байдлыг тогтоох ямар нэгэн үнэлгээ” шаардагдахгүй гэж маргажээ.

Шүүхийн шийдвэрийн хураангуйн дэлгэрэнгүйг энд дарж уншина уу.