Нэхэмжлэгч А нь газрыг М-н хууль бус эзэмшлээс чөлөөлүүлэхээр шаардлага гаргасан ба үндэслэлээ: “...Маргаж буй өвөлжөө, хаваржааны газрыг миний нөхөр Г эзэмшиж байсан бөгөөд тэрээр 2022 онд нас барсан. Хүү бид хоёр хууль ёсны өвлөгчийн хувьд сумын Засаг даргын шийдвэрийн дагуу уг өвөлжөө, хаваржааны газруудыг эзэмших болсон. Гэтэл хадам эгч буюу хариуцагч М нь бидний зөвшөөрөлгүйгээр 2023 оноос хойш уг өвөлжөө, хаваржааг хууль бусаар эзэмшиж, бидний эзэмших эрхэд саад болж байна. Иймд дээрх газрыг хариуцагчийн хууль бус эзэмшлээс чөлөөлүүлнэ” гэж,

Хариуцагч тайлбартаа: “...Г нь нас барахаасаа нэг жилийн өмнө буюу 2021 онд малчны зээлээ төлөх гэсэн юм өвөлжөө, хаваржаагаа зарахаас гэхээр нь хүнд өгч байхаар би авъя гэхэд тэгвэл надад зээл хаах 6 сая төгрөг өгчих гэхээр нь өөрийнхөө данснаас Г-д мөнгө шилжүүлж өгсөн ба түүгээр зээлээ төлсөн байдаг. Ингээд өвөлжөө, хаваржаагаа нэр дээрээ шилжүүлж авч чадаагүй байтал Г нь нас барсан. Өвөлжөө, хаваржааны мөнгийг өгснөөс хойш би газрын татваруудыг төлж байсан. ...Г нь нас барангуут нэхэмжлэгч А өвийн асуудлыг нээлгэж, миний худалдаж авсан өвөлжөө, хаваржааны гэрчилгээг нэр дээрээ шилжүүлж авсан байсан. Би уг өвөлжөө, хаваржааг дүүгээсээ худалдаж авсан, хууль ёсны эзэмшигч нь учраас нэхэмжлэлийн шаардлагыг хүлээн зөвшөөрөхгүй...” гэж маргаж улмаар дээрх өвөлжөө, хаваржааны газрын шударга эзэмшигч болохыг тогтоолгох, газар эзэмших эрхийг шилжүүлэхийг нэхэмжлэгчид даалгуулахаар сөрөг нэхэмжлэл гаргажээ. 

Шүүхийн шийдвэрийн хураангуйн дэлгэрэнгүйг энд дарж уншина уу.