Шүүхийн нэр: Нийслэлийн Иргэний хэргийн давж заалдах шатны шүүх 

Шийдвэрийн огноо, дугаар: 2023.04.24  №210/МА2023/00860

Тоймын дугаар, огноо: 2024.03.05. №03

Шийдвэрийн төлөв: Хүчин төгөлдөр болсон

Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.

Нэхэмжлэгч Н нь хариуцагч А-д холбогдуулан 2 өрөө байрыг өмчлөлд нь шилжүүлэхийг даалгах тухай нэхэмжлэлийг шүүхэд гаргасан.

Хариуцагч А нь нэхэмжлэлийн шаардлагыг “... захиалагч Н нь гэрээний дагуу мөнгөө бүрэн төлөөгүй учир гэрээнээс татгалзсан...” гэсэн үндэслэлээр эс зөвшөөрч маргасан байна.

Анхан шатны шүүх нэхэмжлэгч Н-ийн нэхэмжлэлийн шаардлагыг хангаж, 2 өрөө байрыг нэхэмжлэгч Н-ийн өмчлөлд шилжүүлж өгөхийг хариуцагч А-д даалгаж шийдвэрлэснийг А эс зөвшөөрч давж заалдах гомдол гаргасан. 

Давж заалдах шатны шүүхээс хэргийг бүхэлд нь хянан үзэхэд захиалагч Н нь гэрээнд заасан төлбөрийн 85.8 хувь буюу 31,400,000 төгрөгийг гэрээнд заасан хугацаанд, үлдэх 14.2 хувь буюу 5,200,300 төгрөгийг хугацаа хожимдуулж төлсөн нөхцөл байдал тогтоогдсон учир захиалагч Н-ийг гэрээний заалтыг ялимгүй зөрчсөн, ажил гүйцэтгэгч А-г гэрээнээс татгалзах эрхгүй гэж дүгнэн хариуцагч А-гийн гаргасан давж заалдах гомдлыг хангахгүй орхиж шийдвэрлэсэн. 

Шүүхийн шийдвэрийг бүтнээр харах цахим холбоос: 

https://shuukh.mn/single_case/27487?daterange=2023-01-01%20-%202023-12-12&id=2&court_cat=1&bb=1    

            Тойм бэлтгэсэн: Нийслэлийн Иргэний хэргийн давж заалдах шатны шүүхийн шүүгч Д.Нямбазар