Тоймын төрөл: Шийдвэрийн тойм

Шүүхийн нэр, шийдвэрийн дугаар: Баянгол дүүргийн Эрүүгийн хэргийн анхан шатны шүүхийн шүүгчийн 2023 оны 7 дугаар сарын 03-ны өдрийн 830 дугаартай шийтгэвэр.

Тоймын дугаар, огноо: №2023/08

Шийдвэрийн төлөв: Хүчин төгөлдөр болсон.

Санамж: Энэхүү тойм нь шүүхийн шийдвэрийг орлохгүй бөгөөд зөвхөн олон нийтийг мэдээллээр хангах зорилготой болно.

Агуулга: Иргэн Г нь Баянгол дүүргийн нутаг дэвсгэрт байрлах ТЭЦ-3-н урд замд “Toyota prius” маркийн улсын дугаартай тээврийн хэрэгслийг согтууруулах ундаа хэрэглэсэн үедээ жолоодон явахад нь замын цагдаагийн алба хаагч илрүүлэн таслан зогсоосон байна.

Цагдаагийн алба хаагч тээврийн хэрэгслийн жолоочийг согтууруулах ундааны зүйл хэрэглэсэн эсэхийг зориулалтын багажаар шалгахад 3,33 хувийн согтолттой гарсан бөгөөд /хүнд зэргийн согтолт/ иргэн Г нь урьд мөн согтууруулах ундаа хэрэглэсэн үедээ тээврийн хэрэгсэл жолоодсон зөрчилд холбогдож тээврийн хэрэгсэл жолоодох эрхээ хасуулсан байжээ.  

Энэ тохиолдолд Зөрчлийн тухай хуульд зааснаар шүүхээс иргэн Г-д зөрчилд холбогдогчийн хувийн байдал, согтолтын хувь зэргийг харгалзан үзэж хуульд заасан шийтгэлийн дээд хэмжээ болох 50 цагийн хугацаагаар албадан сургалтад хамруулж, 30 хоногийн хугацаагаар баривчлах шийтгэл оногдуулж шийдвэрлэв.

Шийдвэрийг бүтнээр харах цахим холбоос: Монгол Улсын Шүүхийн шийдвэрийн цахим сан (shuukh.mn)

Тоймыг бэлтгэсэн: Баянгол дүүргийн Эрүүгийн хэргийн анхан шатны шүүхийн  шүүгч Г.Золбоо