Тоймын төрөл: Магадлалын тойм

Шүүхийн нэр, магадлалын дугаар: Хэнтий аймгийн Эрүү, Иргэний хэргийн давж заалдах шатны шүүх, 2023.03.29,  № 2023/ДШМ/13

Тоймын дугаар, огноо: Дугаар 05,  2023.06.05

Шийдвэрийн төлөв: Хүчин төгөлдөр болсон

Санамж: “Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.”

Ойдов, Батаа нар нь өөрийн адуунд нийлсэн 5 тооны адууг дур мэдэн нядалж бусдад зарсан бөгөөд бид хоёр алдуул мал завшсан хэмээн мэдүүлжээ.

Прокурор тэднийг олон тооны мал хулгайлсан гэмт хэрэгт холбогдуулан шүүхэд шилжүүлсэн боловч анхан шатны шүүх “Алдуул мал завшсан” байна гэж дүгнэжээ.

Иргэний хуулийн 117 дугаар зүйлд “...Алдуул мал олсон этгээд нь энэ тухай орон нутгийн захиргааны буюу цагдаагийн байгууллагад мэдэгдэж малын эзнийг тогтоох хүртэл өөрийн эзэмшилд байлган маллах эсвэл орон нутгийн захиргааны буюу цагдаагийн байгууллагад шилжүүлэх үүрэгтэй...” гэж заажээ.

Ойдов, Батаа нар нь хуульд заасан үүргээ биелүүлэлгүй 5 тооны адууг зарж борлуулсан байхад анхан шатны шүүх “алдуул мал завшсан уу, хулгайлсан уу” гэдгийг гүйцэд тодруулалгүй шийдвэрлэсэн нь хуульд нийцээгүй, хуулийг буруу тайлбарласан байна гэж давж заалдах шатны шүүх үзэж хэргийг дахин хэлэлцүүлэхээр анхан шатны шүүхэд буцаажээ.

Тоймыг бэлтгэсэн: Хэнтий аймгийн Эрүү, Иргэний хэргийн давж заалдах шатны шүүхийн шүүгч Д.Ганзориг