Тоймын төрөл: Шүүхийн шийдвэрийн тойм

Шүүхийн нэр, шийдвэрийн дугаар: Архангай аймаг дахь Захиргааны хэргийн анхан шатны шүүхийн 2023 оны 01 дугаар сарын 11-ний өдрийн 109/ШШ2023/0002

Тоймын огноо, дугаар: 2023 оны 4 дүгээр сарын 12, Дугаар 8

Шийдвэрийн төлөв: Хүчин төгөлдөр болсон.

Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.

Агуулга: Боловсролын тухай хуульд зааснаар 5 жил тутамд нэг удаа 6 сарын үндсэн цалинтай тэнцэх хэмжээний мөнгөн тэтгэмжийг сум, баг сургуулийн, цэцэрлэгийн эрхлэгч, захирал, сургалтын менежер, нийгмийн ажилтан, дотруу байрны багш, албан бус боловсролын багү, арга зүйн, номын санч, эмч, багш, туслах багш нь авах эрхтэй байна.

Г.Б нь 2017-2021 оны тэтгэмжээ авч чадаагүй байна. Учир нь тэрээр сургуулийн захирлаар ажиллаж байхдаа ажлаас халагдаж, улмаар 2017-2020 он хүртэл тасралтгүй шүүхэд нэхэмжлэл гаргаж, ажилдаа эгүүлэн тогтоолгож байжээ.Иргэн Г.Б нь Архангай аймгийн Боловсрол, шинжлэх ухааны газарт холбогдуулан тэтгэмжийг гаргаж өгөхгүй байгаа эс үйлдэхүйг хууль бус болохыг тогтоолгох, уг тэтгэмжийг гаргуулж өгөхийг даалгах гэж,Хариуцагч Архангай аймгийн Боловсрол, шинжлэх ухааны газар " Нэхэмжлэлийг хүлээн зөвшөөрөхгүй болно. Тус газар нь боловсролын салбарын нэгж байгууллагуудаас ирүүлж буй төсвийн төслийг хуулийн хугацаанд нэгтгэн аймгийн хэмжээний төсвийн төслийг жил бүрийн 8 дугаар сарын 1-ний дотор Боловсрол, шинжлэх ухааны яаманд хүргүүлдэг. .. тэтгэмж авах багш ажилтны нэрс дотор Г.Б-ын нэр ирээгүй тул төсөвт суугаагүй” гэж тус тус маргасан.Шүүхээс захиргааны хэрэг үүсгэн, хэрэг хянан шийдвэрлэх ажиллагааг явуулж байсан.

Хариуцагч талаас 2017, 2021 оны Боловсролын хуульд заасан мөнгөн тэтгэмжийг олгуулахаар Боловсрол, шинжлэх ухааны яаманд 2023 онд санал явуулж шийдэх боломжтой тул эвлэрлийн журмаар шийдвэрлэж өгнө үү гэжээ.Иймд шүүх хэргийн оролцогч нар хэрэг хянан шийдвэрлэх ажиллагааны явцад эвлэрч бичгээр гэрээ байгуулсан нь хуульд харшлаагүй бөгөөд бусад этгээдийн эрх, эрх чөлөө, хууль ёсны ашиг сонирхлыг хөндөөгүй байх тулхэргийг хялбаршуулсан журмаар шийдвэрлэв.

Шийдвэрийг бүтнээр харах цахим холбоос: https://shuukh.mn/single_case/12225?daterange=2023-01-01%20-%202023-04-12&id=1&court_cat=3&bb=1

Тоймыг бэлтгэсэн: Архангай аймаг дахь Захиргааны хэргийн анхан шатны шүүхийн
Ерөнхий шүүгч Б.Одонтуяа