Шүүхийн нэр, шийдвэрийн дугаар: Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүх 2026/ШЦТ/2530

Тоймын дугаар, огноо: /2026/09/24 №12/

Шийдвэрийн төлөв: Хүчин төгөлдөр болоогүй

Санамж: “Энэхүү тойм нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно”

Сүхбаатар дүүргийн прокурорын газраас шүүгдэгч Ч.Санжаадамбыг Сүхбаатар дүүргийн 1 дүгээр хорооны нутаг дэвсгэрт хохирогч Д.Т-г тухайн үед үүссэн таарамжгүй харилцааны улмаас биед нь халдаж хөнгөн гэмтэл учруулсан буюу Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт холбогдуулан яллах дүгнэлт үйлдэж тус хэргийг 2026 оны 09 дүгээр сарын 08-ны өдөр шүүхэд ирүүлсэн.

Шүүх хэргийг хүлээн авч, 2026 оны 09 дүгээр сарын 24-ний өдөр хянан хэлэлцэж, хавтаст хэрэгт цуглуулж бэхжүүлсэн бичгийн нотлох баримтууд, хэргийн оролцогч нарын өгсөн мэдүүлэг, тайлбаруудыг үндэслэн шүүгдэгч Ч.Санжаадамбыг хүний эрүүл мэндэд хөнгөн хохирол санаатай учруулсан гэмт хэргийг үйлдсэн нь нотлогдон, тогтоогдсон гэж дүгнэн гэм буруутайд тооцож, түүнийг гэм буруугаа хүлээн зөвшөөрч мөрдөн шалгах ажиллагааг шуурхай явуулж гэмт хэргийг нотлоход дэмжлэг үзүүлсэн, хувийн байдал, урьд ял шийтгэл эдэлж байгаагүй буюу анх удаа гэмт хэрэг үйлдсэн, хохирогчийн гомдол саналгүй болохоо илэрхийлсэн бичгээр гаргасан хүсэлт зэрэг нөхцөл байдлуудыг харгалзан Эрүүгийн хуулийн ерөнхий ангийн 6.7 дугаар зүйлийн 1 дэх хэсэгт заасан хуулийн шаардлагад нийцсэн гэж үзэн эрүүгийн хариуцлагаас чөлөөлж шийдвэрлэлээ.

Шийдвэрийг бүрэн эхээр нь үзэх холбоос: 

https://bschcriminal.e-court.mn/newsmore-3/25

Тойм бичсэн: Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхийн шүүгч С.Батгэрэл