Шүүхийн академи нь шүүгчдийн англи хэлний мэдлэгийг дээшлүүлэх зорилгоор “Oxford-ийн англи хэлний хөтөлбөр”-ийн 2025 оны элсэлтээ авч эхэллээ.

Хөтөлбөрийн онцлог:

Уг сургалт нь суралцагчийн англи хэлний түвшин бүрд зориулан тусгайлан бэлтгэсэн хөтөлбөр, сургалтын материал, гарын авлагын хүрээнд зохион байгуулагддаг онцлогтой бөгөөд дүрмийн хичээлийг монгол багш, ярианы хичээлийг гадаад багш удирдан явуулна.

Сургалтын үргэлжлэх хугацаа:

3 сар /улирал тутам шалгалт өгч түвшин ахих боломжтой/

Сургалтын хэлбэр: 

Цахим

Хэлний түвшин:

Суурьтай анхан шатнаас ахисан шат хүртэл /4 түвшин/

Анги дүүргэлт:

20-25 суралцагч

Хүсэлт хүлээн авах:

Сургалтад хамрагдах хүсэлтийг 2025 оны 1 дүгээр сарын 31-ний өдрийн 17:00 цаг хүртэл Шүүхийн сургалтын төвийн training@jtrii.gov.mn цахим хаягаар хүлээн авна.

Жич: Сургалтад хамрагдах хүсэлт ирүүлсэн дарааллаар шүүгчдийг бүртгэн англи хэлний түвшин тогтоох шалгалт авч тохирох ангид хуваарилна. Сургалтын төлбөрийг Шүүхийн академи, сургалтад ашиглах гарын авлагын төлбөрийг  шүүгч өөрөө хариуцна. 

Сургалттай холбоотой тодруулах зүйлээ 263239 утсаар холбогдон авна уу.