Шийдвэрийн дугаар: 2024/ШЗ/2655

Шийдвэрийн төлөв:  Хүчин төгөлдөр болсон.

Шийдвэрийн тоймын огноо: 2024.10.30 №32

Санамж: Энэхүү тойм нь Шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.

Нийслэлийн Прокурорын газраас Эрүүгийн хуулийн ерөнхий ангийн 1.8 дугаар зүйлийн 1 дэх хэсэг, 3.1 дүгээр зүйлийн 1 дэх хэсэг, 3.2 дугаар зүйлийн 1 дэх хэсэгт заасныг тус тус журамлан мөн хуулийн тусгай ангийн 22.1 дүгээр зүйлийн 2 дахь хэсэгт заасан гэмт хэрэгт холбогдуулан яллах дүгнэлт үйлдэж ирүүлсэн Д.Бархүү, Д.Нямхүү нарт холбогдох хэргийг 2024 оны 10 дугаар сарын 02-ны өдөр хүлээн авч яллагдагч нарын өмгөөлөгчид болон иргэний хариуцагчийн өмгөөлөгч нараас гаргасан урьдчилсан хэлэлцүүлэг хийлгэх тухай хүсэлтийн дагуу хянан хэлэлцэв.

Шүүх хуралдаанд оролцсон өмгөөлөгч болон прокурорын тодорхой гэрч нарыг оролцуулж, гэм буруугийн шүүх хуралдааныг товлон зарлах тухай хүсэлтүүдийг хүлээн авч яллагдагч нарыг шүүхэд шилжүүлж, шүүх хуралдааныг 2024 оны 11 дүгээр сарын 13-ны өдрийн 09 цаг 30 минутад товлон зарлаж, шүүх хуралдаан хүртэл шүүгдэгч нарт урьд авсан таслан сэргийлэх арга хэмжээг тус тус хэвээр үргэлжлүүлж шийдвэрлэсэн болно.

Тойм бичсэн: Баянзүрх дүүргийн Эрүүгийн хэргийн анхан шатны шүүхийн шүүгч М.Отгонбаатар

Санамж: Энэ хураангуй нь шүүхийн бүрэн гүйцэд шийдвэр биш бөгөөд түүнийг орлохгүй, зөвхөн олон нийтэд ойлгомжтой байдлаар мэдээлэл хүргэх зорилготой болохыг тэмдэглэв.