Тоймын төрөл: Шийдвэрийн тойм

Шүүхийн нэр, шийдвэрийн дугаар: Дорноговь аймгийн Эрүү, Иргэний хэргийн давж заалдах шатны шүүхийн 2023.09.20-ны өдрийн магадлал №2023/ДШМ/25

Тоймын дугаар, огноо: №48, 2023.10.20

Шийдвэрийн төлөв: Хүчин төгөлдөр болсон

Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.

Агуулга: Шүүгдэгч Д нь Дорноговь аймгийн Замын-Үүд хилийн боомтоор Монгол Улсын Засгийн газрын 2018 оны 180 дугаартай тогтоолд зааснаар хориглосон бараа болох 0,020 мм-ийн зузаантай цэнхэр өнгийн нийлэг хальсан уутыг 365 кг буюу 11 шуудайг хууль бусаар улсын хилээр нэвтрүүлсэн тул Прокуророос түүнд Эрүүгийн хуулийн тусгай ангийн 18.5 дугаар зүйлийн 1 дэх хэсэгт зааснаар яллуулахаар яллах дүгнэлт үйлдэж шүүхэд шилжүүлснийг Дорноговь аймгийн Замын-Үүд сум дахь Сум дундын шүүх хянан хэлэлцээд шүүгдэгч Д-г хууль, түүнд нийцүүлэн гаргасан захиргааны хэм хэмжээний акт Монгол Улсын олон улсын гэрээнд заасны дагуу хориглосон барааг Монгол Улсын хилээр хууль бусаар нэвтрүүлсэн гэмт хэргийг үйлдсэн гэм буруутайд тооцож, эрүүгийн хариуцлага хүлээлгэсэн.

Шүүгдэгч Д-ийн давж заалдсан гомдолд үндэслэн давж заалдах шатны шүүх хэргийг бүхэлд нь хянан хэлэлцээд түүний Монгол Улсын хилээр нэвтрүүлсэн 0,020 мм-ийн зузаантай цэнхэр өнгийн нийлэг хальсан уут нь Монгол Улсын Засгийн газрын 2018 оны 180 дугаартай тогтоолд зааснаар хориглосон бараа болох нь тогтоогдсон байна гэж үзсэн.

Шийдвэрийг бүтнээр харах цахим холбоос: https://shuukh.mn/single_case/17870?daterange=2023-01-01%20-%202023-10-22&id=2&court_cat=2&bb=1

Тоймыг бэлтгэсэн: Дорноговь аймгийн Эрүү, Иргэний хэргийн давж заалдах шатны шүүхийн шүүгч А.Сайнтөгс