Шийдвэрийн дугаар: 2024/ЦХШЗ/34

Тоймын дугаар: №.3 2024.06.03

Дорноговь аймгийн прокуророос Б-д холбогдуулан хүн байнга амьдрах, зориулалттай орон байранд нэвтэрч учрах саадыг арилгах зорилгоор тусгайлан бэлтгэсэн зэвсгийн чанартай зүйл хэрэглэж хулгайлах гэмт хэрэгт холбогдуулан эрүүгийн хэрэг үүсгэж, яллагдагчаар татжээ.

Яллагдагч Б нь яллагдагчаар татагдан шалгагдаж байх хугацаандаа 2024 оны 02 сарын 16-ны өдөр хувийн баталгаа гаргах таслан сэргийлэх арга хэмжээ авагдсан боловч уг хугацаандаа буюу 2024 оны 03 дугаар сарын 18-наас 19-нд шилжих шөнө М-ийн эзэмшлийн 400 тоот, Ж-ийн эзэмшлийн 200 тоот, Э-ийн эзэмшлийн 500 тоот байранд хууль бусаар нэвтэрч хулгайлах гэмт хэрэгт холбогдсон байна.

Иймд  Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.4-т заасан “урьд нь авсан таслан сэргийлэх арга хэмжээг зөрчсөн,…” гэсэн үндэслэлээр яллагдагч Б-д цагдан хорих таслан сэргийлэх арга хэмжээ авхуулахаар ирүүлсэн прокурорын санал үндэслэлтэй гэж үзэж 1 сарын хугацаагаар цагдан хорьж шийдвэрлэв.

Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.

Тоймыг бэлтгэсэн: Дорноговь аймаг дахь Сум дундын эрүүгийн хэргийн анхан шатны шүүхийн шүүгч Д.Адъяасүрэн