Судалгааны хүрээнд Монгол Улсын ИХШХШтХ-д тусгагдсан хэрэг хянан шийдвэрлэх онцгой ажиллагааны хэргийн харьяалалд тулгамдаж буй асуудлыг авч үзнэ. Тодруулбал, хэрэг хянан шийдвэрлэх онцгой ажиллагаа нь нэхэмжлэлээр үүсэх иргэний хэрэг хянан шийдвэрлэх ажиллагаанаас ялгагддаг шалгуур, онцгой ажиллагааны журмаар хянан шийдвэрлэх зарим төрлийн хэрэг маргааныг өөр институцын харьяалалд шилжүүлэх боломжтой эсэх талаар судлах болно.